Straight Ahead á palli

Einki føroyskt sjónvarp var í 70-unum, og eingin filmsupptøka er tí til av Straight Ahead hesi árini, ið bólkurin var virkin frá 1974 til 1978.

Men í mai 1989 var skipað fyri konsertini "Aftur í 70-ini" í KÍ-høllini í Klaksvík. Tá eydnaðist at fáa Straight Ahead aftur á pall. 

Leikmannaupptøkur frá hesari konsertini eru nú komnar í ljósmála.

Ólavur Wolles og Erik Biskupstø hava av einslistum roynt at snikka hesar upptøkur so væl til, at fjøldin kann fáa gleði av teimum.

Lassin Isaksen, sum tá var kendur plátuvendari, presenterar bólkin av pallinum.

Vit hoyra her Straight Ahead við  "Heading For Disaster".

Á konsertini í KÍ-høllini í 1989 er manningin í Straight Ahead henda: 

Jørgin Dahl, sangur og ljómborð
Hans Carl Hansen, gittar
Heri Ellingsgaard, gittar
Archie Black, bass
Edward Ziska, trummur

Straight Ahead spæla sjálvandi eisini "Komið øll við" til "Aftur í 70-ini" í 1989.

Í 2005 var Straight Ahead á palli á Summarfestialinum, men tá vóru hvørki Edward Ziska, Hans Carl Hansen ella Agnar Joensen við. 

Konsertupptøkuna í 1989 gjørdu: 

Video
Ólavur Wolles
Guttorm Sørensen

Ljóð
Óla Jákup í Dímun
Erik Biskupstø
Ólavur Wolles

Hvat: "Komið øll við" (2:2)
Hvar: Í sjónvarpinum og á KVF Sjón
Nær: Í kvøld, hóskvøldið, kl. 19.25