Útlendingastovan: Neyvan fleiri uppihaldsloyvi givin, meðan verkfall er

Treytin fyri at fáa útlendingar til arbeiðis er, at fólkini ikki verða sett í størv, sum eru leys, tí verkfall er

Útlendingastovan er tó hoyringarpartur og skal tryggja, at útlendingar ikki verða settir í verkfalsrakt størv.

21.05.2024 - 18:00

Um ein arbeiðsgevari vil hava útlendingar til Føroya at arbeiða, er tað ein treyt, at hesi ikki verða sett í størv, sum eru leys, tí verkfall er.

Arbeiðsgevarar sleppa sostatt ikki at misnýta fast-track-skipanina fyri at fáa útlendingar til Føroya at arbeiða, nú fýra arbeiðarafeløg eru í verkfalli.

Heri Reynheim, verkfall, verkfallsvaktir, Havnar Arbeiðarafelag

Frítekst tagging:

Heri Reynheim

verkfall

verkfallsvaktir

Havnar Arbeiðarafelag

Bjarni Árting Rubeksen

Heri Reynheim, formaður í Havnar arbeiðarafelag. (Mynd: Bjarni Árting Rubeksen)

Formaðurin í Havnar arbeiðarafelag, Heri Reynheim, førdi fram í síðstu viku, at útlendingar verða settir í størvini hjá teimum arbeiðarunum, sum eru í verkfalli í løtuni.

Útlendingaøkið er danskt málsøki. Tí er tað danska SIRI - Styrelsen for International Rekruttering og Integration - sum umsitur arbeiðs- og uppihaldsloyvi í Føroyum.

Sólva G. Dam

Sólva Gunnarsdóttir Dam, deildarleiðari á Útlendingastovuni.

Útlendingastovan er tó hoyringarpartur, og tað skal tryggja, at útlendingar ikki verða settir í verkfallsrakt størv, sigur Sólva Gunnarsdóttir Dam, deildarleiðari á Útlendingastovuni:

21052024_Solva_1

Tað verða neyvan givin nýggj uppihaldsloyvir, meðan verkfall er, um talan er um verkfalsrakt arbeiði, sigur Sólva Gunnarsdóttir Dam.

Mælir Útlendingastovan frá at geva uppihaldsloyvi, verður helst lurtað eftir tí:

21052024_Solva_2

Útlendingastovan hevur onga ábending um, at arbeiðsgevarar misnýta fast-track-skipanina til at fáa útlendingar til Føroya, meðan verkfall er:

21052024_Solva_3