- Tíðindi, mentan og ítróttur
Liðskiparin: - Vit hava nógv at læra
Liðskiparin: - Vit hava nógv at læra
Ásla Johannesen var ikki nøgd við tapið fyri Grikkalandi í EM-undankappingardystinum á Tórsvølli, hóast avrikið var gott. - Vit hava nógv at læra av hesum, segði hon
04.06.2024 - 19:54
Liðskiparin hjá bestu føroysku fótbóltskvinnunum, Ásla Johannesen, var ikki nøgd eftir 2-0 ósigurin fyri Grikkalandi á Tórsvølli.
- Vit kempa væl, og vit levera eitt gott avrik, men Grikkaland var eina tonn betri enn Andorra var, og vit hava nógv at læra av hesum her, segði Ásla Johannesen eftir EM-undankappingardystin.
Við málum frá Veatriki Sarri og Sofia Kongouli báðu megin steðgin vann útiliðið 2-0, og føroyingarnir komu niður aftur á jørðina eftir frálíka 4-0 sigurin á Andorra fríggjakvøldið.
- Vit gera tað gott inni á vøllinum, men sluttproduktið skulu vit gott nokk arbeiða upp á og teirra sat, so tær vóru effektivari, segði føroyski liðskiparin.
Nýggjastu sendingar í ÚV
Nýggjastu sendingar í SV