Kavi í Íslandi darvar ferðafólk og bilar við Norrønu

Nógvur kavi er lagstur í Íslandi, serliga á norðureysturlandinum.

Og tað rakar ferðafólk, sum ætla sær við Norrønu við bili.

Íslendska Morgunblaðið skrivar, at bilar við summardekkum vera ikki frammi í Seyðisfirði, áðrenn Norrøna skuldi fara úr Íslandi fyrrapartin.

Og so eru tað teir 370 bilarnir, sum komu við Norrønu á Seyðisfjørð í dag, sum helst allir eisini hava summardekk. 

Smyril Line hevur boðað ferðafólkunum frá um koyrilíkindini, og mælt teimum til at bíða í Seyðisfirði í nakrar tímar, til líkindini batna.

Agnar Sverrisson, stjóri í Smyril Line í Íslandi, sigur við Morgunblaðið, at nakað av farmi nær ikki fram til Norrønu í dag.