Eystari landsrættur aftur hóttur við bumbu

Fyri aðru ferð í hálvanannan mánað hevur Eystari landsrættur í Keypmannahavn verið fyri bumbuhóttan.

Fyrru ferð var 26. apríl, og aftur í morgun var neyðugt at tøma landsrættin fyri fólk eftir eina fráboðan um, at ein bumba var í bygninginum.

Stutt fyri døgurða í dag var danska løgreglan liðug at kanna bygningin, og heldur ikki hesa ferð var nakað illgrunavert funnið.

Kanningararbeiðið heldur fram, men virksemið í Eystara landsrætti í Keypmannahavn var so smátt tikið upp aftur seinnapartin.