Frídømdur í Landsrættinum fyri at innflyta og brúka elrennihjól

Eystari landsrættur hevur frídømt ein mann fyri at bróta ferðslulógina, tí hann hevur innflutt og brúkt elrennihjól í Føroyum.

Landsrætturin hevur tí broytt ein dóm hjá Føroya rætti.

Ákæruvaldið kravdi dómin hjá Føroya rætti staðfestan.

Rennihjól

Politiið hevði ikki heimild at leggja hald á elrennihjólini, áðrenn lógin var broytt, sigur Landsrætturin.

Lógin broytt

Ferðslulógin var broytt 1. juni, so eingin ivi er um, at elrennihjól ikki eru loyvd á øki, sum ferðslulógin er galdandi fyri.

Men fyri ta lógarbroytingina hevði politiið ikki heimild til at leggja hald á elrennihjólini og heldur ikki at geva teimum sekt, sum koyrdu á teimum, sigur Landsrætturin.

Maðurin fekk í Føroya rætti 2.000 kr. í sekt fyri eitt brot á ferðslulógina. Hann var óansin í bili í ferðsluni.

Tann partin av dóminum appelleraði hann ikki.

Sleppur undan sekt

Í Føroya rætti fekk hann 700 kr. í sekt fyri at koyra við elrennihjóli. Men teirri sektini sleppur hann frá, nú hann er frídømdur.

Sambært Landsrættinum skal statskassin bera sakarkostnaðin í Føroya rætti og í Landsrættinum.