Umhvørvismálaráðið góðkent broytingar í byggisamtyktini fyri Tvøroyri

Umhvørvismálaráðið hevur góðkent broyting í byggisamtyktini fyri Tvøroyrar kommunu.

Talan er um broyting í byggisamtyktini fyri havnarøkið í sambandi við ætlaðu útbyggingina hjá Varðanum Pelagic.

Orðingin í byggisamtyktini er millum annað broytt, so at tað nú stendur, at:

"Eingin partur av útveggi ella tekju má vera hægri enn 11,5 metrar, tó kunnu neyðugir tekniskir húsalutir vera hægri eftir nærri góðkenning býráðsins. Goymslubrunnar kunnu í mesta lagi vera 20 metrar høgir, og skorsteinar í mesta lagi vera 60 metrar høgir". 

- Nú byggisamtyktin er broytt, kann kommunustýrið á Tvøroyri fara undir byggimálsviðgerðina, sigur Fróði Mortensen, kommunustjóri á Tvøroyri.