Gerandisdagurin tann sami sum fyri ósemjuna

Gerandisdagurin í Skálagarði er eins góður í dag sum hann var undan ósemjuni.

Tað er metingin hjá Almannaverkinum.

Ósemja er millum leiðaran í Skálagarði og leiðsluna á Almannaverkinum.

Leiðarin er tí í løtuni frítikin fyri tænastu. 

Hjørdis Mortensen, depilsstjóri í Almannaverkinum, sigur í tíðindaskrivi, at av tí at talan er um starvsfólkamál, ber ikki til at siga nágreiniliga, nær ein endalig niðurstøða verður gjørd.

Miðað verður tó eftir at avgreiða málið sum skjótast og uttan ógrundaðan steðg, sigur hon.

Almannaverkið hevur sett eitt fyribils leiðslutoymi í Skálagarði.

Jóhanna Jancyardóttir, eindarleiðari í Almannaverkinum, er leiðari í leiðslutoyminum.

Av tí at trupult er at manna størvini í Skálagarði, eru har í løtuni trý starvsfólk frá danskari vikarstovu, sigur Hjørdis Mortensen.