Skráin klár: Finalistarnir hittast í fyrsta umfari

Føroyameistarin og silvurvinnarin farna kappingarár bresta saman í fyrsta umfari í Burn-deildini, sum byrjar í september.

Kappingarskráin er løgd, og hon avdúkar, at H71 tekur ímóti KÍF í Hoyvíkshøllini sunnudagin 8. september. Dagin fyri spæla Neistin og Kyndil í høllin á Hálsi í fyrsta dystinum hjá monnum hetta kappingarárið.

SMS-deildin byrjar eisini í høllini á Hálsi leygardagin 7. september, har føroyameistarin, Kyndil, brestur saman við grannunum úr Neistanum. Dagin eftir spælir H71 ímóti EB í Hoyvík, Stjørnan vitjar StÍF á Strondum og VB tekur ímóti VÍF í Vági. 

Annars byrjar kappingarárið við dystunum um Lionsbikarið, har vinnararnir av steypakappingini og FM farna kappingarár møtast. Hesir dystirnir verða sunnudagin 1. september í Hoyvíkshøllini.