Biden sigur seg skilja, at nógv eru stúrin eftir hólmgonguna

Amerikanski forsetin Joe Biden sigur, at hann skilir væl, at nógv eru stúrin eftir hólmgonguna í síðstu viku. 

Men forsetin tvíheldur um, at hann fer at standa seg móti Trump.

- Eg hevði ikki eitt gott kvøld, men eg fari at stríðast uppaftur harðari, segði Biden við fleiri ríkar stuðlar í sambandi við eitt innsavningartiltak leygardagin.

Millum demokratarnar er hýrurin ikki góður eftir kjakið í sjónvarpinum. 

Misnøgd

Fleiri, sum stuðla Biden við stórari peningaupphædd, har víst sína misnøgd seinastu dagarnar.

Á innsavningartiltakinum, sum var í New York, helt Biden fram at grundgeva fyri, at Donald Trump er ein hóttan fyri USA.

Biden segði, at meinngakanningar vísa, at demokratrarnir hava fingið størri undirtøku eftir hólmgonguna í sjónvarpinum.

Fríggjadagin segði Biden, at hann 'av innasta hjarta' heldur, at hann megnar starvið sum forseti í fýra ár aftrat.