Ráðharrar halda ikki framløgufreistina í fólkatinginum

Tað er ikki bara í Føroyum, at nógv lógaruppskot koma í síðstu løtu ella eftir, at framløgufreistin er farin.

Hetta hendir eisini í fólkatinginum.

Har er framløgufreistin 1. apríl.

Í fólkatingssetuni 2023-2024 kom stjórnin við 188 lógaruppskotum.

42 teirra, 22,3 prosent, komu eftir 1. april. Tey flestu komu seint í apríl.

Søren Gade

Søren Gade er formaður í fólkatinginum. (Mynd: Ritzau Scanpix)

Ráðharrar siga einki um orsøkina

Í helvtini av teimum førunum, har lógaruppskot eru komin eftir 1. apríl, hava ráðharrarnir ikki sagt nakað um, hví uppskotið kemur so seint.

Tað eiga teir at gera. Og teir eiga eisini at siga, um teir vilja hava uppskotið avgreitt í verandi tingsetu.

Søren Gade, fólkatingsformaður, hevur skrivað til Mette Frederiksen, forsætisráðharra, og biðið stjórnina taka annað skinn um bak.

Fólkatingið hevur fyri stuttum broytt tingskipanina, so nú skulu minst 40 dagar vera millum framløgu og triðju viðgerð.