Nógv doyggja framvegis av koronu

Korona heldur fram at krevja nógv mannalív. 

Framvegis doyggja um 1.700 fólk hvørja viku í heiminum av covid-19.

Tað sigur Heimsheilsustovnurin, sum heitir á fólk um at fylgja koppsetingarætlanini.

Stjórin í WHO, Tedros Ghebreyesus, sigur, at færri heilsustarvsfólk og fólk eldri enn 60 ár eru nú koppsett.

Síðani farsóttin fór at ganga, hevur WHO fingið fráboðan um sjey milliónir andlát. Men hildið verður, at veruliga talið er størri.