Eftirlønarskyldan hjá landinum er góðar fýra milliardir

Tað hevði kostað landskassanum fýra milliardir og 163 milliónir krónur, um hann skuldi keypt seg leysan frá øllum eftirlønarskyldum í 2022.

Eftirlønarskyldan verður roknað triðja hvørt ár, so hon verður roknað aftur fyri 2025.

Í 2019 var eftirlønarskyldan seks milliardir og 145.000 milliónir.

Síðani er rentan hækkað, og færri tænastufólk eru nú. Tí er skyldan minni nú.

Danir eiga 289 milliónir

Danskir myndugleikar eiga ein part av tí, sum tænastufólk eiga í eftirløn.

Í 2022 var tann skyldan 289 milliónir krónur. 

Í 2022 vóru 1.142 tænastufólk í starvi, og 2.886 tænastufólk fingu eftirløn.

Eftirlønarskyldan umfataði eisini 133 landsstýrisfólk og 292 løgtingsfólk í 2022.