Føroyingur í Barein: Vit kenna okkum ótrygg

Lúðrarnir ljóðaðu í Barein fyrrapartin, men ikki er greitt, hví teir vóru settir í gongd.

- Vit kenna okkum ikki trygg í Barein í løtuni, sigur Bogi Berg, nú stríðið breiðir seg í Miðeystri, eftir at USA og Ísrael leygarmorgunin lupu á fleiri mál í Iran.

Bogi Berg arbeiðir í Saudiarabia, men býr í Sar, í útjaðaranum í høvuðsstaðnum Manama í Barein.

Hoyr samrøðu við hann her:

Amerikanska uttanríkisráðið hevur heitt á amerikanskar ríkisborgarar um at fara úr tilsamans 14 londum í Miðeystri. Millum annað í Barein.

Føroyska uttanríkisráðið mælir føroyingum, sum eru í vandaøkjunum í Miðeystri, til at fylgja tilmælunum hjá danska uttanríkisráðnum og ráðum hjá myndugleikum, segði Herálvur Joensen, aðalstjóri í Uttanríkisráðnum, við útvarpið sunnudagin.