Skipaferðslan í Hormuz-sundinum minkað niður í einki

Nærum eingin skipaferðsla er í Hormuz-sundinum, millum Iran og arabisku hálvoynna, har mesta skipaferðsla í heiminum vanliga er.

Og skipaferðslan er nærum minkað niður í einki síðani í gjárkvøldið, tá ein yvirmaður í iransku kolveltingarhirðni segði, at Iran "fer at seta eld á skipini", sum royna at sigla gjøgnum sundið.

Nøkur fá skip eru enn í sundinum- flestu teirra sigla undir iranskum flaggi.

Seinastu dagarnar hava stuðlar hjá iranska stýrinum á miðlinum Telegram deilt eina røð av upptøkum frá einum álopi 1. mars á skipið Skylight.

Stuðlarnir siga, at videomyndirnar eru eitt dømi um, hvat teir eru førir fyri at gera, hóast USA sigur, at Hormuz-sundið framvegis er opið.