Búskaparráðið: Keypiorkan er vunnin inn aftur

Keypiorkan, sum føroyingar mistu fyri nøkrum árum síðani, orsakað av stórum prísvøkstri, er vunnin inn aftur.

Tað heldur Johnny í Grótinum, formaður í Búskaparráðnum, sum í gjár legði várfrágreiðingina fram.

Fyri nøkrum árum síðani, m.a. meðan koronafarsóttin gjørdi um seg, var stórur prísvøkstur, sum hevði við sær, at keypiorkan hjá fólki minkaði. 

Men gongdin er vend, og nú hava fólk fleiri pengar at brúka.

Kríggið í Miðeystri kann tó fara at ávirka keypiorkuna aftur, tí oljuprísirnir hækka.

Hoyr innslag í útvarpstíðindunum: 

Prísirnir eru hækkaðir nakað í Føroyum seinastu dagarnar. Áðrenn stríðið við Iran, seldu bæði Magn og Effo 1000 litrar av gassolju fyri 8.550 krónur. Men í gjár og í dag hava tey bæði hækkað prísin upp í 8.800 kr.

Og í dag hevur Thomsen hækkað prísin á 1000 litrum av gassolju úr 7.840 krónum upp í 8.060 kr.