Lítið fólk í býnum náttina fyri ólavsøku

Lítið fólk var í býnum í Havn í nátt, sigur politiið.

Eingin fráboðan er komin um harðskap ella annað lógarbrot.

Men politiið arbeiðir við einum máli um harðskap á Tórsfest, sum var fríggjakvøldið og leygarnáttina.

Ein maður sigur, at fleiri mans lupu á hann.

Politiið veit ikki, um tað er rætt, men sigur seg vita um ein, sum er undir illgruna.

Hann er ikki avhoyrdur enn.

Men vitni eru avhoyrd.