Gjald fyri tænastuveitingar: Fer at gagna smærru kommununum

Landsstýrið ætlar at geva kommununum heimild at taka gjald fyri tænastuveitingar afturfyri hús, sum standa tóm. 

Bjarni Kárason Petersen, landstýrismaður í lógarmálum, sigur, at gjaldið sannlíkt verður um 1.000 krónur - kanska minni. 

Ynskið um hesa heimildina kemur upprunaliga frá kommunum, sigur Tórbjørn Jacobsen, formaðurin í Kommunufelagnum. 

"Tað fer serliga at gagna teimum smærru kommunum, at kommunur væntandi fáa heimild at áseta gjald fyri tænastuveitingar til húsaeigarar, sum ikki búgva í kommununi," heldur hann. 

Formaðurin í Kommunufelagnum leggur dent á týdningin av einum føstum gjaldi, sum er galdandi fyri allar kommunur.

Tórbjørn Jacobsen heldur at øll, sum eiga hús, eiga at gjalda til kommunurnar.