Miðallønin hjá fólkum í uppsjóvarvinnuni: 1.369.000 krónur

Árliga miðallønin per persón í uppsjóvarvinnuni í 2023 var 1.369.000 krónur

Tað sæst millum annað á heimasíðuni hjá Hagstovuni, har tað nú ber til at gera lønartalvur fyri vinnugreinar. 

Sambært Hagstovuni eru tølini roknaði fyri inntøku fyri hvønn persón í einari ávísari vinnu. Tað vil siga, at tað er ikki neyðturviliga eitt fulltíðarstarv.

Tjena væl í Barentshavinum

Eisini umborð á Barentshavstrolarunum er lønin góð. Her var miðalintøkan fyri høvnn persón 723.200 krónur í 2023. Hesin bólkurin eitur "Botnfiskaveiða, ið er virkað"

Hin parturin av botnfiskaflotanum - heimaflotin - hevði eina miðalinntøku uppá góðar 344.000 krónur árliga í 2023.

Eingin onnur vinnugrein enn uppsjóvarvinnan og Barentshavsflotin hava eina miðalársløn yvir 500.000, sambært hagtalsgrunninum hjá Hagstovuni.

Lægst miðalløn innan gistingar- og matstovuvunnuna

Miðallønin í framleiðsluvinnuni er 277.000 krónur. 

Lægsta miðalinntøkan finst innan í gistingar- og matstovuvinnuni. Hon var 160.000 krónur í 2023.

Tað, at miðalinntøkan fyri hvønn persón er lág, kann merkja at fólk innan vinnugreinina arbeiða niðursetta tíð. Eitt nú er lønin í heilsu- og almannaverkinum 272.600 krónur í 2023.