Brúkaraumboðið: Nema skal halda marknaðarføringslógina

Brúkaraumboðið hevur heitt á Nema um at tryggja, at marknaðarføringslógin verður hildin framyvir.

Brúkaraumboðnum sigur, at televeitarin hevur framt brot á góðan marknaðaføringssið og virkað í stríð við grein 8 stk. 1, sum snýr seg um marknaðarføring, ið vendir sær til børn og ung. 

Vinnurekandi mugu í útgangsstøði ikki brúka børn og ung í sølu- og marknaðarætlanum. Heldur ikki mugu børn og ung brúkast til at fáa vinir, foreldur ella onnur til at keypa ávísar vørur ella tænastur, sum tey ungu fáa ágóðan av.

Nema

Eggjaðu einum 7. flokki at skaffa kundar

Málið snýr seg um eitt skriv frá Nema til 7. flokkar í Vágs-, Porkeris- og Sumbiar skúla. 

Í skrivinum verða ung í 7. flokki eggja til at hjálpa Nema við at fáa fleiri kundar. 

Hetta verður gjørt á tann hátt, at um ein kundi flytir haldið hjá sær til Nema, so fer virðið av mánaðarliga gjaldinum beinleiðis til flokkin.

Orsøkin til skrivið var, at Nema hevði fingið eina umsókn um stuðul frá einum av foreldrunum, sum vildi savna pening til fyri flokkin í sambandi við námsferðina.

Rannvá Sólheim, brúkaraumboð

Rannvá Sólheim, Brúkaraumboð

Nema vildi ikki geva beinleiðis fíggjarligan stuðul, men bjóðaði í staðin fram alternativar mátar, har tey í samstarvi við Nema kundu savna pening til námsferðina. 

- Tað er brot á marknaðarføringslógina, sigur Rannvá Sólheim

Brúkaraumboðið ger kortini ikki meira við málið, tí Nema hevur víst á, at talan er um eitt mistak, at skrivið var stílað til børnini, tí tað var ætlað foreldrunum. Og Nema tók skrivið aftur beinavegin, sigur Brúkaraumboðið.