Borgarstjóri um ferðslutrygd: Ongar ferðsluforðingar í bræði

Tað verður ikki í bræði, at ferðsluforðingar verða settar upp í Saltangará. Fyrst vil borgarstjórin gera ferðmátingar í økinum, har foreldur annars stúra fyri sínum børnum. 

Anton og Martha Højgaard halda ikki, at ferðslutrygdin í Saltangará er í lagi. Sí innslag frá farnu viku her: Foreldur taka ferðslutrygd í egnar hendur

"Fyrst er tørvur á ferðmátingum, so vit kunnu gera eina heildarmeting". Tað sigur Torbjørn Jacobsen, borgarstjóri í Runavíkar kommunu.