Bara triði hvør hevur siglingarloyvi

Sera fáir vinnuligir útróðrarbátar hava galdandi siglingarloyvi.

Sjóvinnustýrið sigur, at í bólki 5A sigla bara 36 prosent lógliga.

Í bólki 5B, sum er fyri teir, sum fiska fyri meira enn 200.000 kr., sigla bara 39 prosent lógliga.

Tað er eitt krav, at hesir bátar verða sýnaðir, áðrenn Sjóvinnustýrið gevur teimum siglingarloyvi.

Trygdin var nógv betri, um tað galdandi siglingarloyvi var kravt, áðrenn útróðarbátur fær fiskiloyvi.

Støðan er als ikki í lagi, sigur Sjóvinnustýrið, sum fer at rætta skeivleikan.