Livar bíðar eftir at verða avhoyrdur

Sorg og skelkur merkir støðuna í løtuni, og myndugleikarnir her á staðnum veita sálarligan og annan stuðul. Men eisini skulu tey øll avhoyrast av løgregluni í sambandi við málið, tá Naddoddur holvdist í gjárkvøldið, og unga meksikanska kvinnan, sum var búsitandi í Florida, læt lív.

Vit frá Kringvarpinum eru í løtuni saman við Livari Nysted. Hann hevur tað eftir umstøðunum gott, men er merktur av sorg og skelki frá ógvusliga tilburðinum. Tí vil Livar enn ikki tosa alment um tilburðin, og hann heitir inniliga á fólk um at virða, at bæði hann og familja hansara í løtuni eru í einari svárari støðu, har tey hava brúk fyri friði.

Tá Livar Nysted er avhoyrdur av løgregluni og hevur fingið nøkur praktisk viðurskifti upp á pláss, ætlar hann sær heim til familjuna, sum bíðar í Føroyum.

LIVAR NYSTED HEVUR GÓÐKENT HESA GREININA