Marius setti nýtt met í skeet

Marius Joensen skeyt seg til FM-heitið í skeet við nýggjum føroyskum meti sunnudagin. 

Hann vann á liðfelaganum úr Sunda Byrsufelag, Tóri Fløtt, við 55 leirdúgum ímóti 50 í finaluumfarinum. Gamla metið var 53 leirdúgvur av 60. 

 - Eg fekk tvey 24-tøl innleiðandi, so tað er heilt gott, og so slerdi eg rekord nú í finaluni við at skjóta 55 av 60, so tað kann ikki verða betri, segði Marius Joensen.

Tórur Fløtt hevur havt eitt sera gott ár við millum annað einum silvurheiðursmerki í norðurlandameistarakappingini, men sunnudagin var hann næstbestur.

 - Marius skjýtur ræðuliga væl í finaluni, so har var ikki nógv at gera, segði Tórur Fløtt. Jóhann Fløtt endaði á 3. plássi í kappingini.