14 ára gamal skuldsettur fyri skúlaskjóting í Georgia

Tað var helst ein 14 ára gamal næmingur, sum í gjár skeyt og drap fýra fólk og særdi fleiri onnur á einum studentaskúla í býnum Winder í amerikanska statinum Georgia.

Tað boðar politiið í Georgia frá. 

- Næmingurin verður skuldsettur fyri dráp og rættarsøktur sum ein vaksin, sigur Chris Hosey, ovasti fyri deildina hjá politiinum FBI í Georgia, á einum tíðindafundi.

Fýra fólk doyðu skúlaskjótingini, tveir lærarar og tveir næmingar. Í minsta lagi níggju hava fingið skaða, skrivar deildin hjá FBI á sosiala miðlinum X.