Viðmerkjari: Floksskifti bendir á rembingar innanfloks í Javnaðarflokkinum

Kári Johansen er farin úr Javnaðarflokkinum upp í Framsókn í Tórshavnar býráð, men hann er framvegis í meirilutanum

Kári Johansen hevur hetta valskeiðið verið partur av manningini hjá Javnaðarflokkinum, men nú er hann farin upp í Framsókn. Kári heldur tó fram í meirilutanum. (Savnsmynd)

Hilmar Jan Hansen

09.09.2024 - 13:15

Um vikuskiftið tók ein av býráðslimunum í Havn, Kári Johansen, seg úr Javnaðarflokkinum og fór upp í Framsókn, har hann hevur verið fyrr.

Í samrøðu við útvarpið í gjár duldi hann ikki fyri, at fremsta orsøkin til skiftið er vantandi stevið millum seg og borgarstjóran, Heðin Mortensen - bæði í sambandi við SEV og Tórshavnar havn, har Kári hevur formanssessir.

SEV, fundur í SEV, Kári Johansen

Kári Johansen er formaður í SEV-stýrinum.

At Kári Johansen er farin úr Javnaðarflokkinum til Framsókn, bendir á rembingar innanfloks í Javnaðarflokkinum, heldur Árni Gregersen, politiskur viðmerkjari:

09092024_Arni_um_floksskifti

Sjálvt um Kári Johansen er farin upp í Framsókn, sum er í minnilutanum í býráðnum, sigur hann við Kringvarpið, at hann tekur seg úr meirilutanum í býráðnum, men ætlar sær at virða samgonguskjalið, sum hann skrivaði undir fyri fýra árum síðani.