- Tíðindi, mentan og ítróttur
Jens Stoltenberg verður formaður fyri trygdarráðstevnu
Jens Stoltenberg verður formaður fyri trygdarráðstevnu
Stoltenberg hevur verið Nato-aðalskrivari seinastu 10 árini
![](https://kvf.fo/sites/default/files/styles/grein-ovasta-mynd/public/stoltenberg1.jpg?itok=hbBXoq91)
Jens Stoltenberg hevur verið aðalskrivari í Nato síðani 2014.
Mynd: Ritzau Scanpix
12.09.2024 - 15:41
Aðalskrivarin í Nato, Jens Stoltenberg, hevur fingið nýtt starv.
Hann verður nýggjur formaður fyri Munich Security Conference.
Hon er ein av størstu trygdarráðstevnum í heiminum, har leiðandi fólk á økinum hittast á hvørjum ári at kjakast um avbjóðingar í sambandi við altjóða trygd.
Tað skrivar Politico.eu, sum hevur tíðindini frá ónevndari keldu.
Christoph Heusgen, sum tók við formanssessinum í 2022, hevur boðað frá, at hann leggur frá sær.
Stoltenberg tekur við starvinum í februar næsta ár.
Stoltenberg, sum er fyrrverandi norskur forsætisráðharri, hevur verið aðalskrivari í Nato síðani 2014.
Fyrrverandi hollendski forsætisráðharrin Mark Rutte tekur 1. oktober við sum aðalskrivari í Nato.
Nýggjastu sendingar í ÚV
Nýggjastu sendingar í SV