Fólkaflokkurin hevði vunnið stórt

Fólkaflokkurin hevði vunnið stórt
Fólkaflokkurin hevði verið stóri vinnarin, um løgtingsval var nú. Andstøðan hevði við 20 tingsessum vunnið so syngjandi á sitandi samgongu, ið bara hevði fingið 13 tingsessir.
Beinir Johannesen kann saktans smílast, nú veljarakanning ger Fólkaflokkin til nógv størsta flokkin
Mynd: Bjarni Árting Rubeksen  
 
14.09.2024 - 10:19

Í eini nýggjari veljarakanning, sum Spyr.fo hevur gjørt fyri Blaðið hjá Portalinum, hevði Fólkaflokkurin fingið 28,8 prosent av atkvøðunum, sum eru næstan 10 prosentstig meira enn á valinum í 2022.

Tað er ein framgongd upp á heili 52 prosent, sum hevði givið Fólkaflokkinum 10 tingsessir. Hann hevur seks tingsessir nú.

Sambandsflokkurin er eftir kanningini næststørstur við 22,2 prosentum og átta tingsessum, so teir báðir stóru andstøðuflokkarnir kundu einsamallir skipað samgongu.

11 prosent ikki tikið støðu
Javnaðarflokkurin er triðstørstur við 20,4 prosentum og sjey tingsessum, og sum nummar fýra kemur Tjóðveldi við 13,2 prosentum, sum er metlágt og bara givið fýra tingsessir.

Miðflokkurin hevði fingið 7,1 prosent og Framsókn 6,9 prosent, og tað hevði givið teimum tveir tingsessir í part, so Framsókn hevði mist ein tingsess.

Av teimum 500 fólkunum, sum eru spurd í hesi vikuni, hava 11 prosent ikki tikið støðu til, hvar tey høvdu sett krossin.

Meira verður at hoyra um veljarakanningina í tíðindunum á middegi.

Er kopiera
Nýggjastu sendingar í ÚV
Týsdag 29. juli
Morgunlestur týsdagur 29. juli 2025
194899
Mánadag 28. juli
Morgunlestur mánadagur 28. juli 2025
194898
Sunnudag 27. juli
RagnarRokk: Neal Morse um Deep Water
194167
Sunnudag 27. juli
Guðstænasta í Havnar kirkju
194985
Leygardag 26. juli
Súrligt summar: Kom! Tosa!
194981
Nýggjastu sendingar í SV
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018
Mánadag 28. juli
Upp á gólv - Ólavsøkuaftan
194992
Mánadag 28. juli
Ólavsøkuróðurin 2025: 10 Mannafør
195017