Samd landsstýrismálanevnd gjørt niðurstøðu um Ingilín D. Strøm

Landsstýrismálanevndin hevur gjørt sína niðurstøðu í kæruni móti landsstýriskvinnuni í bústaðarmálum.

Tað er ein samd landsstýrismálanevnd, sum er komin til hesa niðurstøðu, ið tó er at rokna sum ein fyribils niðurstøða. 

Tí niðurstøðan er send Ingilín Strøm, landsstýriskvinnu í bústaðarmálum, sum hevur fingið eina viku til at gera sínar viðmerkingar til hana.

Hans Jacob Thomsen er formaður í landsstýrismálanevndini:

Ingilín Didriksen Strøm er kærd fyri at hava sagt ósatt fyri Løgtinginum, tá ið hon segði seg ikki hava fingið ábendingar um, at Húsalánsgrunnurin og Bústaðir høvdu trupulleikar við langtíðarhaldførinum.

Hin kæran, ið Landsstýrismálanevndin skal avgreiða, er um Dennis Holm.

Landsstýrismaðurin í fiskivinnumálum er kærdur fyri at hava latið 35.000 tons av svartkjafti sum felagskvotu við hámarki.

Nevndin er ikki liðug at viðgera ta kæruna enn.