Roynd at fáa limaskap í WTO við í eykajáttanarlógini

Royndin at fáa Føroyum sjálvstøðugan limaskap í WTO, er við í uppskotinum um eykajáttanarlóg, sum kom í løgtingið í gjár.

Á ríkisfundinum í august í ár var avgjørt, at spurningurin um føroyskan limaskap í heimshandilsfelagsskapinum WTO skal roynast í gerðarrætti millum Føroyar og Danmark sambært heimastýrislógini. 

Hetta er ongantíð roynt áður.

Tí vera nógvar fyrireikingar, sigur Løgmansskrivstovan, sum biður um 300.000 kr. til ferðing og til at løna uttanhýsis fólki.