Innkomuvegurin til Havnar er eitt nýbrot í føroyskari samferðslusøgu

Arbeiðið við nýggja innkomuvegnum til Havnar gongur væl, og ætlanin er, at arbeiðið skal verða liðugt í februar næsta ár.

Tunnilin undir Húsareyni er 1850 metrar langur, men talan er ikki bara um ein tunnil, men veg, sum í sniði er nógv øðrvísi enn vit eru von við.

Tað kann vera ringt fyri eitt vanligt eyga at síggja, hvussu alt fer at síggja eina ferð seinni. Sprongt berg og brýr og vegir hvørt um annað.