Italia sendir migrantar víðari til Albania

Italia hevur sent fyrsta skipið við migrantum til Albania, hagar tað kom í morgun 

Migrantarnir, sum eru úr londum í miðeystri og Bangladesh, skulu nú halda til í móttøkudeplum í Albania, í staðni fyri í Italia, meðan bíðað verður eftir málsviðgerðini um uppihald. 

Italia megnar ikki at taka ímóti øllum migrantunum, sum koma til landið, og hevur tí gjørt avtalu við Albania, um at taka ímóti teimum.

Migrantar til Albania

(Mynd: Reuters/Ritzau Scanpix)

Fær fimm milliardir

Avtalan landanna millum ber í særr, at Italia kann senda upp til 36.000 menn, sum koma til móttøkudeplar í Italia, av landinum aftur og til Albania.

Afturfyri fær Albania fimm milliardir krónur árliga úr Italia.

Sambært italsku stjórnini, skal avtalan við Albania lætta um trýstið á móttøkudeplarnar í Italia og fáa migrantar at setast aftur.

Flestu migrantar og flóttafólk, sum fara yvir um Miðjarahavið við vón um eina betri framtíð, koma oftast fyrst til Italia ella Grikkalands.