Mintust Krystallnáttina

Hesa náttina drupu nazistar í Týsklandi yvir 90 jødar og gjørdu seg inn á túsundtals jødiskar forrætningar og fleiri sýnagogur, og meira enn 25.000 jødar vórðu tiknir og sendir í týningarlegur.

Millum røðararnar framman fyri synagoguni í Krystalgade í Kjøpinhavn var danski forsætisráðharrin Mette Frederiksen.

- Alt, sum er hent í søgu okkara, eiga vit at læra av, segði hon og sipaði til, hvussu stutt síðani Krystallnáttin í veruleikanum var.

Síðani yvirgangsatsóknina hjá palestinska Hamas í Ísrael tann 7. oktobur í fjør, sum kravdi 1200 mannalív og 240 gíslar vóru tiknir, stendur antisemittisman aftur í fullum blóma og fleiri kanningar hava víst, at jødar aftur kenna seg ótryggar í europeisku londum.

So seint sum í hesi vikuni vórðu ísraelskir fótbóltsfjepparar álopnir av Palestina-stuðlum eftir ein Europa League-dyst í Amsterdam í Hollandi.