Nýtt sølufelag hjá Varðanum Pelagic søkir eftir stjóra

Nýggja sølufelagið hjá Varðanum søkir eftir stjóra.

Tey, sum eiga Varðan Pelagic, hava stovnað altjóða sølufelag. 

Felagið skal selja fisk og fiskaúrdráttir.

Tað skal eisini fáast við marknaðarføring og logistikk. 

Stórir møguleikar

Eigararnir siga seg síggja stórar møguleikar við einum sølufelagi, sum selur eina røð av fiskavørum, samstundis sum ætlanir eru um útbyggingar, bæði á landi og á sjógvi.

Tey, sum eiga Varðan Pelagic, eru partafeløgini Varðin, Delta Seafood, Kimbil og Bacalao.

Freistin at søkja stjórastarvið er til 16. desember.

Talan er um fulltíðarstarv, sum skal setast skjótast gjørligt.