Samráðingar við kommunur um Hamragarð

Nú kommunuval hevur verið, fer landsstýriskvinnan í fíggjarmálum at samráðast við kommunurnar í syðru helvt í Suðuroynni um, hvussu kostnaðurin fyri neyðugu ábøturnar á Hamragarði í Vági skulu býtast millum landið og kommunurnar.

Tað hevur fíggjarnevndin fingið at vita frá Almanna- og mentamálaráðnum.

Fundir hava verið millum partarnar, men eingin semja er enn. 

Kommunurnar hava ikki verið sinnaðar at rinda nakað sum helst.

Tað kostar 17,3 milliónir krónur at umvæla Hamragarð, segði Landsverk í mars í fjør. 

Ellis- og røktarheimið Hamragarður kom fyri 13 árum síðani.