Vinnuvitan kemur út í november

Tíðarritið Vinnuvitan kemur framvegis út, hóast Dimmalætting er farin á húsagang.

Árni Gregersen, fyrrverandi blaðstjóri á Dimmalætting, er blaðstjóri á Vinnuvitan, og hann váttar, at næste eintak av tíðarritinum kemur út í november.

Dimmalætting átti Vinnuvitan til 1. januar 2011, tá partafelagið Vinnuvitan keypti og yvirtók raksturin av tíðarritinum.

Hóast at tíðarritið Vinnuvitan seinastu tvey árini ikki hevur verið partur av partafelagnum Dimmalætting, eru tað tíðindafólk á Dimmalætting, sum hava skrivað greinarnar til Vinnuvitan.

Árni Gregersen sigur, at nøkur starvsfólk frá Dimmalætting enn skriva fyri tíðarritið.