Paul Watson verður leyslatin

Hin í Føroyum so víðagitni umhvørvisatgerðarmaðurin Paul Watson sleppur eftir øllum at døma at halda jól sum ein fríur maður. 

Danmark fer ikki at útflýggja Japan Paul Watson. 

Tað staðfestir sakførarin hjá Paul Watson, Jonas Christoffersen, við DR.dk. 

Paul Watson, sum í fleiri umførum hevur verið í Føroyum og mótmælt grindadrápið, hevur seinastu fimm mánaðirnar siti varðhaldsfongslaður í Grønlandi. 

Men nú er løgreglan ávegis til fongslið Anstalten í Grønlandi við boðum um at lata Paul Watson leysan, sigur sakførarin. 

"Eg havi allatíðina hildið, at talan var um eina sak um smálutir, sum á ongan hátt kundi vera grundarlag undir einari útflýggjan," sigur Jona Christoffersen við DR.dk.

"Eg vænti, at Paul Watson fer við fyrsta flogfari til Frakland, har hann fer at halda jól saman við familjuni," leggur sakførarin afturat.