Dávur Juul heldur fram við at stýra Fuglafirði

Dávur Juul heldur fram sum borgarstjóri í Fuglafirði eftir, at býráðið skipaði seg seinnapartin í gjár.

Eyðun á Lakjuni er varaborgarstjóri, og Ólavur Larsen er annar varaborgarstjóri.

Á fundinum í gjár vóru fýra onnur uppskot um borgarstjóra.

Uppskot vóru um Ólav Larsen, Eivin Breiðaskarð, Kristian Martin Petersen og Jastrid á Dalbø. 

Listi Á, listin hjá Ólavi Larsen, sum var fyrstvaldi býráðslimur, er í minniluta og fekk seks fastar nevndarsessir.

Listarnir F og B eru í meirilutanum, sum hevur 12 fastar nevndarsessir.

Listi Á fekk nógv flestar atkvøður. Hann fekk 45,3 prosent á kommunuvalinum 12. november.  

Fimm býráðslimir eru í meirilutanum og fýra í minnilutanum.