Absalon takkar fyri seg

Tað var eitt sindur av tilvild, at Absalon Áargarð valdi yrkisleiðina sum løgreglufólk. Tað var ein lýsing í bløðunum, og ein vinmaður heitti á hann at søkja. Absalon hugsaði, at tað ljóðaði spennandi, so hann sendi eina umsókn avstað.

1. apríl í 1985 fór Absalon á politiskúla í Danmark. Tvey ár seinni byrjaði hann í starvi í Føroyum.

- Fyrsta tíðin var ógvuliga spennandi, nærum ævintýrakent, sigur fráfarni politisturin.

Umstøðurnar hava broytt seg nógv gjøgnum tíðina. Absalon hevur upplivað nógvar skiftistíðir - alt frá at skriva á gomlum skrivimaskinum til nýggja tøkni. Eisini hevur hann upplivað skiftið frá gomlu politistøðini til ta nýggju, og eisini hevur løgreglan júst fingið nýggja skjótihøll.

Absalon hevur gjøgnum 40 ár sum løgreglufólk upplivað mangt og hvat - bæði góðar og gevandi løtur, men sanniliga eisini óunniligar upplivingar, sum hava verið harðar.

Hoyr Absalon greiða frá í samrøðuni niðanfyri: