Treytaleysa fongsulsrevsing fyri at hótta alment starvsfólk

Ein maður fyrst í 50'unum er í Føroya rætti dømdur 30 daga treytaleysa fongsulsrevsing fyri at hótta alment sett starvsfólk.

Maðurin hevur í telefonsamrøðu við eitt starvsfólk í einum banka hótt starvsfólk á Taks við at siga: 

- Einki forðar mær í at fara oman at drepa øll í Taks.

Og: 

- Fái eg ikki peningin nú, so brúki eg vápn.

Ákæruvaldið kravdi mannin dømdan 40 dagar í fongsul.

Maðurin hevur 14 dagar at umhugsa dómin.

Kriminalforsorgin ger av, nær maður skal inn at sita.