Makrelurin í bretskum sjógvi ger mun

Uppsjóvarskipini hava nú verið í bretskum sjógvi, og makrelurin har er sera góður.

Andri Hansen, skipari á Finni Fríða er vælnøgdur við fiskiskapin og letur væl at prísinum

Eisini Tróndur í Gøtu er liðugur við sína makrelkvotu í bretskum sjógvi.

Portalurin skrivar, at Tróndur í Gøtu er komin inn við 600 tonsum av makreli, sum eisini skulu landast á Tvøroyri.

Í juni í fjør samdust Føroyar, Bretland og Noreg um makrelfiskiskapin í ár, har føroyski parturin er 12 prosent av mest loyvdu veiðu. 

Harumframt fáa Føroyar rætt at fiska 35 prosent av sínum parti í bretskum sjógvi. Tað er ein øking úr 30 prosentum.