Skuldsettur fyri at koyra ávirkaður av rúsevnum ella heilivági

Seinnapartin í gjár var ein bilur steðgaður í Hoyvík, tí hann koyrdi óstøðugt.

Bilførarin er skuldsettur fyri at koyra ávirkaður, antin av rúsevnum ella heilivági.

Okkurt bendir á, at talan er um heilivág, men tað avger royndin, sum er tikin av manninum.

Í gjárkvøldið var ein annar bilførari tikin í Klaksvík fyri tað sama.

Men í hesum førinum er ábending um rúsevni. 

Eisini her verður bíðað eftir úrslitinum av royndini, sum var tikin.