Skulu ikki leggja seg út í privata vinnulívið

Høgni Hoydal, landsstýrismaður í vinnumálum, fær ongan stuðul frá hinum báðum flokkunum í samgonguni til ætlanirnar um at hava fund við vinnulívið um tað, at fyritøkur vera seldar av landinum.

Og formaðurin í Fólkaflokkinum tekur heldur ikki undir við, at politiska skipanin skal leggja seg út í viðurskiftini hjá privatu vinnuni á henda hátt.

Ruth Vang, forkvinna í Framsókn, heldur, at tað er harmiligt, at føroyskar fyritøkur verða seldar av landinum.

- Vit eiga at spyrja, hví tær verða seldar, og hvat kann politiska skipanin gera, so kapitalurin trívist betur í Føroyum, sigur hon. 

Løgmaður sigur, at samgongan hevur ikki viðgjørt málið, men politiska skipanin fær ikki gjørt so nógv, tí eins og útlendskar fyritøkur kunnu keypa seg inn í føroyskt vinnulív, kunnu føroyskar fyritøkur keypa seg inn í útlendskt vinnulív. 

Hoyr samrøðu við Ruth Vang, forkvinnu í Framsókn, Aksel V. Johannesen, løgmann, og Beinir Johannesen, formann í Fólkaflokkinum: