Eldur í bili í Leirvíkarbergholinum

(Dagføring)

Nú er koyrandi aftur. Tunnilin læt uppaftur klokkan 13.35

Ikki er koyrandi gjøgnum Leivíksbergholið í løtuni. Um middagsleitið fekk løgreglan fráboðan um, at eldur er í einum bili. 

Bilurin stendur miðskeiðis inni í bergholinum.

Sløkkiliðið er komið á staðið.

Jóannes Østerø, vaktleiðari á løgreglustøðini, greiddi soleiðis frá í útvarpstíðindunum á middegi:

Tekniski leiðarin í Eysturkommunu, Jógvan Júst Olsen, sigur, at gamli Leirvíkarvegurin er opin, men hann mælir fólki frá at koyra farleiðina, tí nógv áarlop hava verið seinastu tíðina, og vegurin er illa farin av tí.