Stjórnarkreppa í Noregi

Støða skal takast til tríggjar ES-fyriskipanir um orkupolitikk, og flokkarnir eru ikki samdir

ForsætisráðharriJonas Gahr Støre og flokkur hansara, Arbeiðaraflokkurin, eru fyri at seta ES-fyriskipanirnar í gildi, men hin stjórnarflokkurin, Miðflokkurin, er ímóti

Emil Lisberg Jacobsen

29.01.2025 - 19:15

Í Noregi er stjórnarkreppa, nú støða skal takast til tríggjar ES-fyriskipanir um orkupolitikk.

Forsætisráðharrin Jonas Gahr Støre og flokkurin hjá honum Arbeiðaraflokkurin eru fyri at seta ES-fyriskipanirnar í gildi, men hin stjórnarflokkurin, Miðflokkurin, er ímóti.

ES-fyriskipanirnar, sum ES nú vil hava norsku stjórnina at seta í verk sum partur av EBS-samstarvinum, snúgva seg millum annað um mál um grøna orku og effektiva orkunýtslu, men tað er ikki so nógv sjálvt innihaldið í fyriskipanunum, sum norðmenn eru ímóti.

- Tað er meira stúranin fyri, at norskur orkupolitikkur í longdini fer at verða stýrdur av ES. Hetta kann spreingja stjórnina, sigur Jógvan Hugo Gardar, journalistur búsitandi í Oslo.

Jonas Gahr Støre fer eftir ætlan seinni í kvøld at tosa við formannin í Miðflokkinum, Trygve Vedum, skrivar norskir miðlar.

Hoyr innslag í útvarpstíðindunum:

Stjornarkreppa_i_Noregi