Vágbingur ovasti í Arktisk Kommando í Føroyum

Arktisk Kommando í Føroyum hevur fingið nýggjan ovasta.

Talan er um 48 ára gamla Bárður Fríða Sandá, sum er ættaður úr Vági, ið nú er ovasti fyri Arktisk Kommando í Føroyum, Forbindelseselement Færøerne - stytt FEF.

Bárður Fríði Sandá hevur búð í Danmark tey seinastu 27 árini, og hann sær tað sum ein stóran heiður, at hann nú er ovasti í Arktisk Kommando í Føroyum - og samstundis tann fyrsti føroyingurin, sum er ovasti í Arktisk Kommando, sambindingarelementinum, í Føroyum, síðan Færøernes Kommando varð niðurlagt í 2012.

Bárður Sandá sigur, at tað er ein fyrimunur, at tað nú er ein føroyingur, sum er ovasti í Arktisk Kommando í Føroyum.