Fekk ongan tungan nevndarsess - fer nú í farloyvi

Javnaðarflokkurin hevur valt limir í løgtingsnevndirnar av nýggjum.

Roknað var við, at Ingilín D. Strøm, fyrrverandi landsstýriskvinna, fór at fáa onkran tungan nevndarsess, men so var ikki.

Síðani Súsanna Bertholdsen fór í landsstýrið, hevur Ingilín D. Strøm verið fastur limur í rættarnevndini.

Og nú telvað var av nýggjum um nevndarsessirnar, varðveitir Ingilín D. Strøm sessin í rættarnevndini, og verður varalimur hjá Bjarna Hammer í fíggjarnevndini.

Uni Holm Johannesen, sum er limur í vinnunevndini, hevur fingið ein nevndarsess aftrat. Hann hevur fingið sessin, sum Kim Durhuus hevur havt í mentanarnevndini. Kim Durhuus er limur í trivnaðarnevndini. 

Umskipanin fall ikki í góða jørð hjá Ingilín Didriksen Strøm, sum hevði væntað sær meira:

Eyðgunn Samuelsen

Frítekst tagging: 

Eyðgunn Samuelsen

Bjarni Árting Rubeksen

Eyðgunn Samuelsen. (Mynd: Bjarni Árting Rubeksen)

Løgtingskvinnan í Javnaðarflokkinum vildi ikki svara fleiri spurningum fyrrapartin.

Eyðgunn Samuelsen er forkvinna í tingbólkinum hjá Javnaðarflokkinum.  Hon sigur soleiðis um málið:

Ingilín Didriksen Strøm fekk næstflestar atkvøður hjá Javnaðarflokkinum á løgtingsvalinum í 2022. Hon fekk 787 atkvøður.