Tunnilsmunnin má flytast

Fleiri fólk á Sandi vilja als ikki hava, at tunnilsmunnin til Suðuroyartunnilin verður í Djúpadali, men vilja heldur hava hann norðan fyri Sands bygd.

Brandur Sandoy, bygdaráðslimur og fyrrverandi løgtingsmaður, er ein av teimum, sum er harðliga ímóti ætlanini hjá løgmanni og Tunnilsfelagnum. 

Hann metir, at besta loysnin er tann, sum Jón Sigurðsson, Bergur Stórhamar og Mourits Joenen eru komnir við, at tunnilsmunnin heldur skal vera norðan fyri Sands bygd.

Kristian Oskar Henriksen, borgarstjóri á Sandi, hevur sagt, at tað er ein møguleiki við eini farleið eftir Hamrinum, men Brandur Sandoy sigur, at tað eru nógv fólk á Sandi, sum ikki taka undir við tí ætlanini.

Her kanst tú hoyra samrøðu við Brand Sandoy: