Bíligari fyrisiting og betri fakligt umhvørvi

Tíðliga næsta summar kemur eitt uppskot um, hvussu miðfyristingin skal skipast av nýggjum. Embætisfólk úr aðalráðunum sita við málinum. Tey skulu fyrst gera eina framløgu, sum verður send til hoyringar. Síðani verður ein frágreiðing skrivað og at enda eitt uppskot, sum skal koma næsta summar.

Bíligari fyrisiting

Endamálið er at fáa eina bíligari landsfyrisiting samstundis sum fakliga umhvørvið verður styrkt. Uppskot skal eisini gerast um, hvussu landsfyrisitingin skal húsast fyri at fáa sum mest burturúr. Øll, sum arbeiða í einum aðalráði, skulu helst arbeiða í sama bygningi, verður sagt.

96 mió. kr.

Í búskaparfrágreiðingini, sum kom í vár, stendur, at landsfyrisitingin kostar 96 mió. kr. Í flestu aðalráðunum eru færri enn 20 starvsfólk. Hetta ger, at lutfalsliga ov nógv orka fer til umsiting heldur enn til myndugleika og ráðsuppgávur. Tá fyrisitingin er skipað av nýggjum, fer landskassin eftir ætlan at spara fimm milliónir í 2015 og síðani tíggju milliónir krónur um árið.