Eingin fíggjarlóg í USA - almennir stovnar lata aftur

Almennir stovnar í USA hava aftur latið lutvíst aftur

Tað hevur ikki borið til at fáa fíggjalógina gjøgnum umboðsmannatingið, og við ongari fíggjarlógi, kann staturin ikki brúka pengar.

Í fjør hendi tað eisini, at eingin fíggjarlóg var, og tá høvdu almennir stovnar afturlatið í drúgva tíð.

Men stendur tað til Mike Johnson, leiðara í umboðsmannatinginum, verður fíggjarlógin samtykt í morgin.

Tað skrivar norska ríkiskringvarpið, NRK.

Freistin fór leygardagin 

Staturin læt lutvíst aftur leygardagin, tá freistin fyri at samtykkja  nýggja fíggjarlóg fór.

Mike Johnson sigur, at hann hevur tryggjað sær nóg nógvar republikanskar atkvøður til at fáa fíggjarlógina samtykta. Treytin er tó, at tað eydnast at fáa umboðini aftur til Washington, tí tað hevur kavað illa í syðra parti av USA og í miðskeiðis í vestara parti av landinum, og tað kann seinka gongdini.

Formaðurin í umboðsmannatinginum sigur, at hann stuðlar forsetanum í stríðnum at fáa fíggjarlógina gjøgnum tingið. Forsetin hevur gjørt tað púra greitt, at hann vil hava uppskotið samtykt.